Лемкы, за старым стильом

Днес даєме украіньскым ґазетам дарунок – раритас, о надзвычайным смаку.

Ґазета для Карпаторуского Народа – Лемко в ч. #5 з 25 января 1913 рока (!) за старым стильом (¡!), печатат короткій текст про кримінальний учынок з участю “москальофілів”. Як бы того было мало, єст тота віст написана по польскы. Уж ручкы затерают на такій дарунок?

Шак вшытко довєдна лучыт ся в єдну концепцию, котру од років голосят. То польско-москальскій антиукраіньскій список на Лемковині. Остаточний доказ на вшытко. В нашій редакциі гварят, же то доказ на параною. Лем што там наша редакция знає. Прецін єст руско – русиньска,  за старым стильом (!!!).