Конкурс славяньской пісні во Вроцлаві

25. мая т.р. Інститут Славяньской Філолоґіі Вроцлавского Університету орґанізує шоровий конкурс славяньской пісні пн. “Перлины славяньской пісні”. XVI едиция конкурсу зачне ся од 17.00 год. в Ораториюм Мариянум во Вроцлаві. Як все, так і в тогорічній едициі, участникы будут презентувати славяньскы пісні і співанкы в ріжных аранжациях, хоц головне місце займут традицийны, народны выконаня.

Пару років тому, І місце заняла ґрупа Етер з Ліґниці, котру творили Ігор Гербут (днес ЛемОн), Андрий Кайфаш (днес Надія), Матвій Цьолка і Наталія Цьолка, котра другій раз остала лавреатком того конукрсу, выступуючы з ґрупом Припадок, яка де факто остала основана на потребы того же конкурсу. Припадок підбил серця публикы, котра признала ім додаткову нагороду – Нагороду Публикы. По фестівали, ґрупа тых молодых люди рішыла творити і концертувати дальше.

Може і тым разом на вроцлавскій сцені явит ся даякій лемківскій ансамбль, котрий розславит лемківску пісню на сценах світа?

Веце інформаций за тым мотузком.

Заохочаме і припоминаме ансамблям і солістам! Можете взяти участ в І Фестівали Авторской Лемківской Творчости – “Молода Лемковина”. Зголошыня тырвают лем до 31. мая т.р. Детальнійшы інформациі і реґулямін фестівалю за тым мотузком.