Додрук путівника “Низкій Бескід. Од Команчы до Высовы”

Уж є доступний додрук путівника пн. “Низкій Бескід. Од Команчы до Высовы” (“Beskid Niski. Od Komańczy do Wysowej”). Што правда, книжка то контиинуация єдного з найліпшых путівників по Лемковині – “Низкій Бескід. Од Команчы до Бортного”, але окрем інчой окладинкы, в змісті книжкы доданий єст зміст, што справлят, же додрук нового выданя чыслит аж 500 сторін, де старий путівник з 1997 рока, чыслил іх лем 300.

В оным выданю являют ся дописы про лемківскы села, о котрых не было нич написане в попередній едициі, а вельо з істнуючых уж госел остало дополненых новыма інформациями і знимкамы.

Авторами новопечатаной книжкы сут Бартломєй Вадас, Вітольд Ґжесік та Томаш Трачык.

Кєд хочете придбати сес преводник, можете зазрити на сайт beskid-niski.pl, на котрым явила ся статя з можливістю закупліня книжку. Веце інформаций, медже інчыма про зміст, на споменым сайті.