Бій Давида Свєрчыньского на ґали в Быдґощы

Лемківскій чемпіон Давид Свєрчыньскій 24. квітня т.р., стане до бою на ґали K-1, FEN 7 “Real Combat”. Імпреза FightExclusiveNight зачне ся о 20.00 год. в Быдґощы. Противником нашого файтера буде Жану Малкріядо Круз з Портуґалиі.

Сердечні просиме о допінґ та, кєд мате змогу, взятя участи в ґали!

Веце інформаций за тым мотузком.

26-літній файтер зачынал кікбоксерску карєру од формул ляйт і фуль-контакт, здобываючы медалі в Чемпіонаті Польщы, а в 2014 р. в Бардийові выграл бій о пояс Медженародового Чемпіона Словациі (споминали сме о тым на нашым портали перед інтервю з Давидом, котрий был гостьом радия лем.фм).

На рінґу все выступує в шортах, прикрашеных русиньскым ербом – карпатскым медведьом.

фото: Давид Свєрчыньскій по выграным бою о Медженародовий Пояс Словациі. Джерело: фейсбуковий профіль Давида Свєрчыньского.