Моя мала Вітчызна: “Сам на сам з Лемковином” в Полянах

19. квітня 2015 р. в Полянах (к. Крениці) буде проходила І Стріча з циклю Моя Мала Вітчызна: “Сам на сам з Лемковином”, на котру просит Стоваришыня для розвитку села Поляны.

В присланым орґанізаторами проґрамі находят ся:

• концерт Хору православной парафіі св. Владиміра в Креници,
• реґіональны приспівкы (ансамбль з Чырной),
• выклад і презентация Акция “Вісла”, зрыхтувана під оком п. Марты Кікліцы молодежом з перуньской ґімназиі,
• спомины “нашых дідів”,
• плястычний конкурс для діти.

Специяльным гостьом стрічы в Полянах буде Петро Мурянка-Трохановскій з Крениці.

Стріча зачне ся о 15.00 год. в Народным Домі в Полянах (Dom Ludowy w Polanach).