Проґрам Театру Александра Духновіча на місяць апріль 2015

1. апріль 2015

Кідь бы пришов…

(11.00 год., Велика сцена)

Оповіданя двох жыванів, котры ся по єднім із своїх жываньств скрыють в театрі. Ту їх найде пан Кідь бы і залучіть їх до свойой ціркусовой естрады. Найдуть там Юрко і Настка своє щастя?

1. апріль 2015

О двох ґенералох

(19.00 год., Мала сцена)

О двох ґенералох є пєса на мотівы оповіданя Михаила Салтыкова-Щедрина. Герої той інсценації перекрачують помыслену лінію міджі реалітов і выдумков. І то способом ласкавым: наднесенов фантазійов. Двоми пензійонованы ґенералы привитають публіку в хыжці з адекватнов порційов мужского скаржіня, взаємным добераньом ся. З властныма снами, ці незвычайныма представами. Ґенералы ся несподівано знайдуть на пустім острові в середині моря. Їх єдиным партнером є великый їдаленьскый стіл. І публіка. І несподіваня. Чекать на вас файна театрална забава.

8. апріль 2015

Окресный шпыталь

(19.00 год., Велика сцена)

Чоловік ся ани не сподівать і зразу ся дізнать, в якім жыє маразмі. Невыразно то припоминать шаленый дім. Має лем дві можливости! Сплынути з оточіньом, або спробовати дістати ся вонка. Є дакілько драг: зміна індентічности, еміґрація, і кідь нереална, так холем до свого внутра. Можливость одмітнути жывот є основов, но не найприємнішов. Мерти на старобу хоць є природне, але хто бы так довго чекав… Револуція? Може, але має смысел револуція в шаленім домі?

15. апріль 2015

Полепетко

(9.30 год., Велика сцена)

Музикална приповідка Петра Столічного з текстами співанок Яна Штрассера і музиков Іґора Базліка приносить забаву, гумор і смішны сітуації, до котрых діставать ся головный герой Полепетко, што поплете вшытко.

15. апріль 2015

Америка

(19.00 год., Велика сцена)

Прославленый роман Франца Кафкы є оповіданьом о шістьнадцятьрічнім Карлови Россманови, котрого родічі пішлють на шыфі до Америкы, бо в Европі мав одношіня зо старшов служков. Молодый, нескушеный і наівный Карел по тім, што выступить зо шыфы в Америці, в Ню Йорку прожывать взоступы і паданя, дякуючі своїй довірливости ід людям. Ставать ся частьов світа з абсурдныма і присныма правилами, котры мусить акцептовати, жебы в сістемі нового світа, в котрім діє сам за себе, пережыв.

16. апріль 2015

Кідь бы пришов…

(9.30 год., Велика сцена)

17. апріль 2015

Златый ключік

(9.30 год., Велика сцена)

Буратіно, головный герой приповідкы Алексія Толстого Златый ключік або Буратіновы пригоды, є жываньска, непосідна і бесконечно зведава деревяна лялька з довгым носом, котрый як кібы быв на то, жебы го пхав там, де нетреба. Буратіно має ніс, з котрым найде кажду авантуру, небеспеку, але і способ, як із того выйти. А нелем то, поможе му найти, по чім вшыткы тужыме – златый ключік, котрым ся дають одкрыти двері ку щастливому жывоту…

22. апріль 2015

Тяпаковці

(19.00 год., Велика сцена)

Дія славной драматізації прозаїчной предлогы вызначной словацькой писателькы з епохы крітічного реалізму Божены Сланчіковой – Тімравы вас перенесе до минулости, на село, до дому великой родины Тяпаковців, котра є прославлена тым, же є лінива і не має дяку будьшто робити. Інсценація жыво, з легкостьов, забавно але з ідеовов глубков підкреслює потребу освободити ся од наносів минулости в проспіх будучности, котра ся основать на старых пілірах, но не сміє їх зохабити цалком спустнути. Жывот ся мусить жыти!

25. апріль 2015

Кідь бы пришов… і Тяпаковці

(Руськый Керестур, Сербія)

ТЕКСТ НАПИСАНИЙ В ПРЯШІВСКЫМ СТАНДАРДІ РУСИНЬСКОГО ЯЗЫКА