Бесіда з Миколайом Бушко – творцьом фестівалю церковной музыкы – Боіско #68 – понедільок, 20.00 год.

Днес, вынятково, в місце Тыжня допереду буде Боіско. Бесдідує Павльо, а властиві п. Миколай Бушко, ініциятор і головний орґанізатор фестівалю церковной музыкы в Гайнівці. Днес, тот фестіваль, мож речы, проходит в двох формах. Єден в Білимстоку, а другій в Гайнівці. Про іх альтернатывны істориі мож почытати за вказаныма мотузками.

Пан Миколай оповідат про свій пункт пізріня на тоту тему, як і про інчы аспекты звязаны з церковном музыком і думком єй пропаґуваня. Бесіда проеведена была в часі 33. едициі фестівалю в Білымстоку.

Як то ся стало, же з так чудовой ініциятывы возникли проблемы і розділы? Заохочам до слуханя. Церковна музыка звучыт в кажду неділю в радию лем.фм, а наступна едиция конкурсу уж той яри. XXXIV Międzynarodowy Festiwal Muzyki Cerkiewnej „Hajnówka 2015” w Białymstoku (Медженародовий Фестіваль Церковной Музыкы “Гайнівка 2015” в Білымстоку) одбуде ся в днях 19.-24. мая 2015 р., а XXXIV Międzynarodowy Festiwal Hajnowskie Dni Muzyki Cerkiewnej 2015 (Медженародовий Фестіваль Гайнівскы Дни Церковной Музыкы 2015) буде проходил в днях 11.-16. мая 2015.