Бесіда з Марийом Хробак (з д. Дошна) в проґрамі “70%” – субота, 21.00 год.

Молода з Высовы (1935 р.) то знаный малюнок Олены Кульчыцкой зо Львова. Долучыли сме го до бесіды з мешканком того села Марийом Хробак (з д. Дошна), хоц в 1935 р. была іщы малым дівчатком. Она з 1924 рока. Коли ся оддавала, а было то в час німецкой окупациі, мода, навет весільна, уж ся кус змінила. Але представлям сой молоду п. Марию так, як на тым малюнку. Днеска п. Мария не ходит в прекрасным лемківскым строю і зробила ся кус старша… Жыє в селі Василівка Березаньского района Миколаівской области… Але душа єй така сама – лемківска і молода…

Премєровий одтинок проґраму „70%” в суботу о 21.00 год., повторіня в неділю о 3.00, 9.00 та 12 год. за лемківскым часом.