Малюваня яєц в Рускій Бурсі

Всядиль по світі малюют яйця – будеме малювати і на Лемковині! Традиция батканя яєц в Рускій Бурсі мат уж парунадцет років і од тых парунадцетьох стрічаме ся все в Квітну Неділю, по обіді, жебы спільні зрыхтувати тот елемент великоднього кошычка. Будте з нами і тым разом. Як все, не бракне яєц до малюваня, думок на новы взоры і інструкторів, котры зарадят проблемови кривой крискы… 😉

Пониже, раз іщы презентуєме част архівальных вытворів єдного з інструкторів – Андрия Малецкого. Надієме ся, же знимкы заохотят вас до малюваня самому, а кєд – ніт, конечні придте до Руской Бурсы в Квітну Неділю!