„Надія” на лондоньскым Вемблей?

Ансамбльови “Надія”, котрий аспірує до заграня концерту на лондоньскій Вемблей Арені, треба Вашых голосів.  Кєд мате дяку оддати голос на нашых краянів, зазрийте на сес мотузок.

Група “Надія” была основана в 2008, а єй лідером єст Андрий Кайфаш. З початку “Надію” творили самы Лемкы, пак долучыли до них Полякы. Грают предовшыткым фольк, рок, реґе, фанк, ска. На выданых нима двох платнях находят ся співанкы, написаны в лемківскым языку, але тіж в польскым, украіньскым та в інчых славяньскых языках. Концертували не лем на Ныжнім Шлеску і не лем медже Лемками. През цілий період свойой діяльности заграли вельо концертів на териториі цілой Польщы і заграницьом, тіж за великом млаком, не забываючы попри тым о рідній Лемковині.

Пониже єднa зо співанок в выконаню “Надіі”, найдена в сервісі YouTube: