В Ужгороді одбыв ся юбілейный творчій вечур Івана Завадяка

Як інформує портал підкарпатьского русиньского журнала Отцюзнина, 22-го фебруара 2025-го року в Ужгородьскій публічній бібліотеці писатлеь Іван Завадяк одпрезентовав нову автобіоґрафґічну книгу під назвов Налице тай нарубы.

„Темов того выданя стали явны і тайны аспекты совітьского періоду в жывоті як автора (котрому, подля його слов, і самому пришло быти шрубов у совітьскій машыні), так і краю,“ пише портал.

Іван Завадяк минувшый рік святковав півокруглый юбілей – 85 років. Публікує по русиньскы курто, но продуктівно. Першы його творы вышли в журналі Отцюзнина у 2017-ім році. Книга Налице тай нарубы, заперать автобіоґрафічну трілоґію, котра почала романом у новелах Брызґы споминӱв из дітвацтва (2019 р.), і трьома повістями, зобратыма довєдна під назвов Выпровбалованя любовльôв (2021 р).

О новім выданю, але і о авторови, на події бісідовали Михаіл Белень – русиньскый художник, скулптор, ґрафік, дале літературознатель Іван Сенько, Михаіл Зан, якый написав і спредслово до книгы, Анна Меґела, яка робила коректуру выданя, брат автора Михаіл Завадяк, і головный редактор журнала Отцюзнина Юрій Шиповіч.

Іван Завадяк (24-ый септембер 1939 р.) є родаком із підкарпатьского села Новоселиця. Абсолвовав штудії на Ужгородьскій державній універзіті. В области културы, школства, общественно-політічного жывота, правной охраны діє понад пів столітя. По русиньскы публікує од 2017-го року.

Жрідло фотоґрафії: Отцюзнина.