Обзерач Природы #76 – пятниця, 13.00 год.

Зима іщы тырват, але то не значыт, же не можеме поплянувати уж даякых гірскых вандрівок. Бєщады так направду презентуют ся красні о каждій порі рока. Особливо, коли бесіда о полонинах. Хто не чул о Ветлиньскій ци Цариньскій Полонині? Лишме іх і підме на Букове Бердо зване часом Дзвіняцком Полонином.

Як думам, єст то єден з найменьше знаных бєщадскых хырбетів. Дійдеме до нього так од стороны Волосатого через Тарницю, як і стартуючы в Мучным. Букове Бердо має барз інтересуючy етимолоґію. Назва горы бере ся з бесіды Бойків, а што докладні значыт? Дознате ся того в найновшым одтинку Обзерача Природы!

Заохачам слухати авдицию 21. лютого/фебруара о 13.00 год. Проґрам буде повтаряный в суботу 22. лютого/фебруара о 7.00 год. та в віторок 25. лютого/фебруара о 15.15. До стрічы на (радийовым) шляку!

джерело знимкы: Hanc Tomasz, Wikimedia Commons, CC BY-SA 3.0