Обзерач Природы #75 – пятниця, 13.00 год.

Любовняньсы Горы то барз вдячный реґіон під вельома взглядами. Находят ся близко, сут дикы, полны лісів і великых полян. Масова туристика іщы гев не дошла. Зато вартат корыстати з того і експлoрувати тоту закутину словацкого світа.

В найновшым одтинку Обзерача Природы підеме на гірску вандрівку зо Старой Любовні на перевал і гору Мармон. Місце знане не лем з красных ляндшафтів, але тіж з секретного каміньолому. То ту перед столітями был выдобываный мармур, якій пак продавали до самого Кракова. Днес можеме обзерати камені з Любовняньскых Гір аж на самым вавельскым замку! Але то не єдиный цікавый факт тыкаючый перевалу Мармон.

Більше дознате ся в пятницю 14. лютого/фебруара о 13.00 год. Проґрам буде повтаряный в суботу 15. лютого/фебруара о 7.00 год. та в віторок 18. лютого/фебруара о 15.15. До стрічы на (радийовым) шляку!

джерело знимкы: Anna reg , Wikimedia Commons, CC BY-SA 3.0