Іван Мураній – математык в реверенді

Днес порходит річниця уродин Івана Муранія (псевдо­ним Іван Бростяник), якій вродил ся докладні 9. марця 1881 рока. І. Муряній был священником, педаґоґом, математыком, публицистом та писменником русиньской нацийональной орієнатциі на Підкарпатскій Руси. Походил зо знаной русиньской родины – його матір была сестром Александра Духновича.

І. Мураній скінчыл ґімназию в Мішкольци, пак короткій час студиювал на політехніці в Будапешті. Остаточні скінчыл духовну семінарию в Ужгороді і высвячений был на грекокатолицкого священника. Душпастырску опіку справувал найперше в селі Нересниця (1907-1910), пак в селі Березово (1910-1919). Од 1920 рока жыл в Ужгороді, де вчыл русиньского та латиньского языків, ґеоґрафіі і математыкы. Вюл тіж математычны досліджыня, за якы обрано го членом Ужгородской Академіі Наук, спілпрацувал з математыками з університету Сорбона в Парижы.

Вшыткы своі роботы писал по русиньскы, сам тіж постулювал о кодифікацию русиньского літературного языка. Был перекладачом, перевюл на русиньскій язык м.ін. творы анґлицкых клясыків В. Шекспіра ци Ч. Діккенса. Написал історычну пєсу Тарасович, єст авотром комедиі в трьох актах Тестамент та двох збірників оповідань Оповѣданя и байки і Давнѣ дяки та иншѣ оповѣданя.

Іван Мураній вмер 28. жолтня 1945 рока.