Волк, рысь і медвід – бескідскы драпіжникы

Підкарпатскій Музей в Коросні просит на Музеальну Стрічу з Зеноном Войтасом та Павлом Чайковичом пн. Волк, рысь і медвід – бескідскы драпіжникы. Стріча, котра буде проходила 26. марця т.р. о 17 год. в Біскупім Палаци (ул. Пілсудского 16) в Коросні, товаришыт выставі Природа Маґурского Державного Парку.

Стріча обнимат презентацию фільмів, зареєструваных вчас сліджыня і обсервуваня выміненых звірят на польско-словацкым пограничу в Низкым Бескіді та прелекцию робітників Парку односні натуральных односин медже тыма звірятами на обшыри Низкого Бескыду. Прелеґенты будут оповідати тіж про поєкт реєстрациі міґрацийных пути звірят на обшыри Парку. Частичны результаты того проєкту можете уж тепер слідити за тым мотузком, де мож попозерати, кадиль літают бескідскы птахы.

Павел Чайковіч – інжынєр просторовой ґосподаркы, працівник Маґурского Державного Парку, занимат ся досліджынями міґраций великых і середніх цицаків.

Зенон Войтас – по школі природник, працівник Маґурского Державного Парку, специялізує ся в моніторінґу волків, рысів і медведів на обшыри Низкого Бескыду та іх одношынями в природі. Окрем того, єст выдатным фотоґрафом природы. Долов презентуєме кавальчык його творчости, більше найдете за тым мотузком, а авторови знимок сердечні дякуєме за можливіст іх удоступліня.