Обзерач Природы #74 – пятниця, 13.00 год.

Кєд подумаме о вандрівках через узкы і глубокы жбыры, то перед нашыма очами появит ся реґіон на полудне од Лемковины званый Словацкым Райом. На щестя не мусиме іхати далеко, жебы походити собі в красных, скальных обставинах. Старчыт поіхати в Любовнянскы Горы і одкрыти Орябиньскій Перелом.

Найновшый одтинок Обзерача Природы буде о мало знаній атракциі находячій ся недалеко Старой Любовні, якoм єст чаруючый ярок над селом Орябина. Од десятліть находит ся він під охороном як памятник природы. Дойти там нетрудно, але треба знати стежку. А што стрітиме уж на місци? Ріку? Скалы? Драбинкы? Видокову плятформу?

Дознате ся того докладні 7. лютого/фебруара о 13.00 год. Проґрам буде повтаряный в суботу 8. лютого/фебруара о 7.00 год. та в віторок 11. лютого/фебруара о 15.15. До стрічы на (радийовым) шляку!

джерело знимкы: Palickap, Wikimedia Commons, CC BY-SA 4.0