«Голосы Русинів Підкарпатя» – середа, 18.10 год.

Дуже мі мило днесь представити слухачам Лем.фм істинного підкарпатьского інтеліґента, архітектора за професійов, карпаторусиньского писателя, котрому за тыждень буде 80. То Володимір Новак.

Наш герой народив ся 13-го януара 1945-го року на Севернім Кавказі. По наверненю старшины на їх отцюзнину – Підкарпатя, учів ся в Хусті, а дале в Хустьскім лісотехнічнім технікумі.

По службі в совітьскій армії робив у Іршаві, продовжыв школованя на Львівскім політехнічнім інштітуті. Робив у вшелиякых строїтельных орґанізаціях Підкарпатя  аж до пензії.

Пише поезію і прозу русиньскым, російскым і україньскым языком. У поезії популарізує світовы жанры, такы як сонет. Пише курту малу прозу – новелы. Володимір Новак є лауреатом Літературной премії імени Івана Петровція 2016-го року.

Слухайте «Голосы Русинів Підкарпатя» в середу 8-го януара 2025 р. о 18.10 год., або повторіня в четверь 9-го януара о 4.30 год. і в суботу 11-го януара р. о 11.00 год. за русиньскым часом.