«Голосы Русинів Підкарпатя» – середа, 18.10 год.

Голосы Русинів Підкарпатя не суть єднакыма і звучать вшелияк. То і голосы вченых підкарпатьскых высокых школ, і молодых максімалістів, котрым ся часто видить, же суть валушны перевернути вселенну, людей културы, і технічных ґеніїв.

Найвеце файныма суть голосы тых Русинів, котры так люблять свою землю, же не поміняли локацію і не лишыли свого села цілого жывота: ту ся родили і працовали.

Такым є Василь Васильовіч Івашко, котрый ся народив у селі Черна, Виноградівского района (днесь Берегівскый). По універзіті навернув ся ту, де як 26-річный уже возглавив містну сільску раду. Пізніше став директором школы, але люди, тямлячі го біровом, наново выбрали Василя Івашка головов Черной. Там робив до пензії.

На старість Василь Васильовіч не сидить спокійно як пензіста: зробив у селі майстерню – музей тканя, котрый сам і веде, орґанізовав шытя гунь і ташок. Дякуючі йому в Черній орґанізовав ся фестівал леквара. Окрім того Василь Івашко занимать ся лічебныма травами і патентує унікатны рецепты кулінарії і народной медицины.

Василь Васильовіч ідентіфікує себе Карпаторусином. Нияк по другому. І  учіть молодых честовати свою Отцюзнину.

Слухайте «Голосы Русинів Підкарпатя» в середу 28-го авґуста 2024 р. о 18.10 год., або повторіня в четверь 29-го авґуста о 4.30 год. і в суботу 31-го авґуста 2023 р. о 11.00 год. за русиньскым часом.