«Голосы Русинів Підкарпатя» – середа, 18.10 год.

Днесь гость нашого проґраму молодый русиньскый гудак Миитро Човрій. Митро за свої невеликы рокы уже основав два фолклорно-музикалны ґрупы з русиньсков назвов «Фатьовы» і вже веце як десять років несе Русинам Підкарпатя народну музику і материньске слово.

Слово «фатюв» пошырено у многых реґіонах краю і є сінонімом ід словам «леґінь», «хлопець»,  «бетярь» ітд.

Окрім того Митро даякый час выкладав на Мукачовскій державній універзіті, де прививав штудентам любов і честь до вшыткого свого. Тому слухайме карпаторусиньского кларнетісту Митра Човрія.

Слухайте «Голосы Русинів Підкарпатя» в середу 17-го юла 2024 р. о 18.10 год., або повторіня в четверь 18-го юла о 4.30 год. і в суботу 20-го юла 2023 р. о 11.00 год. за русиньскым часом.