Выклад проф. Яна Пісуліньского в справі постановы ІНП – пятниця, год. 10.30 та 21.30

24. мая 2024 р. проф. Ян Пісуліньскій з Ряшівского Університету выголосил в Рускій Бурсі выклад, в котрым дрібницьово розправил ся з постановом прокураторкы Інституту Нацийональной Памяти – Комісиі Гоніня Злочынів проти Польскому Народови в справі ремісиі слідства в справі акциі «Вісла».

Просиме слухати ретрансмісию выкладу на антені радия ЛЕМ.фм в пятницю 31. мая 2024 р. о год. 10.30 та 21.30.

Професор подавал тверды даны і факты, выказал нелоґічніст арґументациі прокураторкы, вычыслил вшыткы хыбы і фальшы, выказал маніпуляцийніст документу і добераня арґументациі постановы під приняту тезу.

Кєд же в векшости неє уж тых, котры пережыли выселіня, то хто має станути в обороні історичной правды?

Треба голосно і публичні припоминати і повторювати, як істо выглядала акция «Вісла» і якы принесла наслідства для лемківского народа.