«Говорить Пряшів» – пятниця, 18.10 год.

Просиме, сядте си при пеци. Лем не забудте о радию. Треба го добрі накрутити, а антену выставити што найменьше за выгляд, жебы добрі зберала.

Пак уж піде з горкы. Будеме днес реляцийонувати Пряшів. Приближыме особу владыкы Георгія Джуджара.

Пак в «Книжници.фм» будут творы нашого лемківского байкаря – Миколая Буряка, родом зо Смеречного.

«Перличка» – ту ґазета «Недѣля» нам пише о великым господарскым календарі і хосенных в ним статях.

«Припоминка» – припомянеме си, як ся ку нам дістал звык мати яличку на Рождество Ісуса Христа.

Но і наконец – тым «новостильным», што не все по своій воли тепер святкуют (!) – Христос Раждаєт ся! По раз першый.