Освідчыня: СТОП ксенофобічным і антисемітскым девіяциям в публичным просторі!

Не треба было долго ждати на наступны скандалі, якых автором єст нововыбраный посланец Сойму Польской Республикы, Ґжеґож Браун. То знаный ксенофоб, антисеміта, якій своі преступліня вкрыват за посольскым іммунітетом.

Тыжден тому Наталия Малецка-Новак, ведуча Стоваришыня Руска Бурса в Ґорлицях, в писмі до Маршалка Сойму ПР закликувала:  Стоп ксенофобіі і пошырюваню ненависти взглядом Лемків. Свій комунікат заявило тіж Стоваришыня Лемків. Днес мусиме іщы раз поновити нашы прошыня в освідчыню пониже:

Высловлюєме солідарніст з жыдівском спільнотом Польщы і світа в звязку зо скандальом выкликаным днес послом Ґжеґожом Брауном в польскым парляменті. Ханука – Ден Огня, Праздник Світел – то радістне жыдівскє свято, тым більше іщы раз кличеме: стоп ксенофобічным і антисемітскым девіяциям в публичным просторі!

Стоваришыня Руска Бурса в Ґорлицях

Медияльна Ґрупа ЛЕМ.фм+