«Голосы Русинів» – середа, 18.10 год.

До вашой увагы даєме інтервю із знамым по цілім світі русиньскым науковцьом і академіком Павлом Робертом Маґочійом, котрый так само є честным председом Світового конґресу Русинів. 

Бісідовали сьме з професором Маґочійом о його жывотній пути, і як тота привела го до карпаторусиністыкы.

Предкы і русиньске коріня, еміґрація і асімілачны процесы, реліґія і култура як фактор народностной свідомости, і ряд далшых тем, котры ся нам подарило розкрыти через прізму особных історій нашого респондента.

Веце о Павлови Робертови Маґочійови можете прочітати собі за тым мозутком. Авізуєме, же выйдуть далшы дві части бісіды на продовжіня.

Слухайте «Голосы Русинів» в середу 26-го юла 2023 р. о 18.10 год., або повторіня в четверь 27-го юла о 4.30 год. і в суботу 29-го юла 2023 р. о 11.00 год. за русиньскым часом. 

ТЕКСТ НАПИСАНЫЙ В ПРЯШІВСКЫМ СТАНДАРДІ РУСИНЬСКОГО ЯЗЫК