«70%» – Лемкы в Різдвянах, ч. 2 – неділя, 18.00 год.
Книжка, на окладинці якой написано «Істория», даст понятя о найважнійшых подіях ріжных періодів, о найславнійшых діячах, оповіст хронолоґічні о проминулых часах. Але, аж і, кєд молоды чытают в істориі о часах не барз оддаленых – 70 ци 50 років тому – трудно ім нераз тото осягнути, представити сой, як ся товды жыло.
Зато берме предовшыткым з жывой істориі – старшых осіб, якы знают нам яскраво, кольорово представити час свого дітинства, молодости ци і дозрілых років.
Того полного розумліня, як колиси было, не даст ани фільм, ани книжка. А радийо? Но, наше радийо такой можете сой послухати. Бо днеска Мария Юрик оповідат власні о тым – о радяньскых реалиях в галицкым селі.
Повязаны дописы
Ґорлиці 106,6 MHz
