«Говорить Пряшів» – пятниця, 18.10 год.

Пришла пятниця, треба си сісти при добрі настроєным радию і залучыти го в пункт о год. 18.10. Товды з Пряшова принесут нам вісти і несподіванкы.

Днешнім русиньскым целебритом буде православный святый, преподобный Іов Угольскій.

В Книжници.фм стрітиме ся з підкарпатскым автором Володимиром Танчынцьом. Почуєме його вершы.

Перличка – ту дальша стріча з давном ґазетом «Недѣля». Тым разом пишут в ній о вечері Орґанізациі Грекокатолицкой Молодежы в Станові.

А може собі іщы дашто спомнеме. В Припоминці посмотирме ся на історию дзвонів. Тых малых і тых великых.