«Слово» – 4-та неділя Великого посту – неділя, 9.00 год.

Перешли штири тыжні святого поста. На каждый тыждень нам Госдподь через свою Церьков хоче подати хосен із того часу. Так є і при чітаню днешнього євангелія.

Єден отець, котрый мать сына, трапленого нечістым духом, глядавв істо вшыткы средства як допомочі свойому сынови. А тыж чув о Ісусови, о його великых ділах, а так приходить ку ньому, но Ісус не быв там в тім часі.

Находив ся на горі Тавор з трьома учениками. А решта учеників, котры там были, не могли помочі і выгнати злого духа.

Кедь ся Ісус вернув, дізнав ся, што ся стало, повів строго: О, невірне поколіня, доколи іщі буду міджі вами? Тот отець говорив, же як наступить нов місяця, терпить мукы, дух його жене до воды і огня. А в такій слабенькій вірі або невірі говорить Ісусови: Кедь дашто можеш, помож. А Ісус йому повів: Кедь можеш? Вшытко мож тому, хто вірить. А він: Вірю, помож мойому невірству.

Як привели хлопця перед Ісуса, діяло ся з ним то, што в часі нову місяця. А так Ісус їм указав: Видите, не місяць, котрый є Божым створіньом діє на чоловіка, але діавол в тім часі на нього нападав, жебы утведити тоту віру в людях. А посмотьте, теперь не є нов місяця, є то робота злого духа.

Тогды Ісус наказав злому, жебы вышов із нього і веце ся не вертав назад. А хлопець быв здравый. Ученикы ся звідують, чом го не могли выгнати і они. А Ісус їм повів: Про ваше невірство.

Ісус указує на потребу жывой віры. Віру, же Бог мать вытко у своїх руках, не приписовати злому духу векшу силу як Богу. Не давати свою віру на сотворіня як місяць або звізды (віра в гороскопы). Але вірити Господу.

Як підкріпити нашу віру. На тото Ісус одповідать ученикам і нам: Молитва і піст. Дві средства або дві крыла на посилніня нашой віры. Слава Ісусу Хрісту!

В неділю, 26. марца 2023 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 26. марца 2023 р. о 12.00 год. і 27. марца 2023 р. о 2.00 год. за русиньскым часом.