«Слово» – 1-ша неділя Великого посту – неділя, 9.00 год.

Дорогы радіослухачі, перешов першый тыждень Святой штиридцятніці. Субота а неділя того тыждня нам говорить о барз важных двох подіях. О двох подіях. Двох побідах.

Вчера сьме праздновали память великого чудесного діла святого мученика Теодора Тірона. Было то в часі імператора Юліана, котрый одрік ся од Хріста, зачав запроваджати назад поганство. А накілько Юліан познав хрістіаньскы звычаї, познав і то, з якым запаліньом хрістіаны пережывають першый тыждень посту. А хотів высміяти хрістіанів і самого Хріста.

Хотів дати тайно покропити вшыткы їдла на торгу кровльов із ідольскых жертв. Задумав то в таємности, нихто о тім не знав. Но забыв, же перед Богом ся сховати не може. Так Господь посылать свого мученика Теодора, котрый ся появив архієпіскопови Константінополя, і наказав, жебы люде зварили коливо (варену пшеніцю з медом) а тото їли, а некуповали із торгу нич. Так тот, котрый хотів высміяти Хріста, сам быв высміяный а бідно закінчів свій земный жывот.

Другу побіду нам указує днешня неділю. Была то побіда над новым Юліаном – імператором Левом Ісаврскым, котрый наказав не оддавати честь іконам, тыж пронаслідовав тых, котры стояли на стороні іконопочітаня.

Много кровли было пролятый як за Юліана, так за іконоборных імператорів. Но Господь прославив ся. Указав свою побіду над Юліаном іконобосртва. В 843-ім році на Першу постну неділю было торжетствено обновлено оддаваня чести святым іконам. Слухаючі святого Василія, котрий повів: Честь оддавана образу переходить на первообраз.

Так тоты дві події указують нам, жебы сьме все памятали. Хрістови належыть побіда. І мали так потіху і в часі посту. Все были на стороні Хріста. Не дали ся звести куртыма выгодами міцных того світа, але памятати на конець, а не хвількову выгоду.

Юліан хотів понижыти Хріста і высміяти хрістіанів і быв сам высміяти і пониженый. Іконоборці хотів звежыти хрістіаньскы святы іконы з тым самым цільом і были перможены. Слава Ісусу Хрісту!

В неділю, 5. марца 2023 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 5. марца 2023 р. о 12.00 год. і 6. марца 2023 р. о 2.00 год. за русиньскым часом.