Любов і місия

„Лемко”, ґазета для карпаторуского народа, мал все модерны аспірациі. В чыслі #16 за 1912 рік поміщат раду для дівчат (про любов). То часто стрічаний в днешніх медиях кутик з еротычныма темами.

Мы, в середу 11. лютого 2015 рока, не знаме, ци іщы такы рады вільно нам публикувати, беручы як єднозначні противны вшелеякому пролюбовному выхованю результаты, так званого „прородинного референдума” на Пряшівскій Руси.

Ризикуєме і печатаме. Ризико є в каждым примірі великє. Лем, кєд си подумаме, кілько то лемківскых дівчат радо бы ся дознало дачого од бывалых во світі редакторів …

Як бы дахто хотіл знати, поясняме наше контроверсийне рішыня реалізуваньом медияльной місиі цілю підпоры і розвитку лемківской пролюбовной достоменности.