«Говорить Пряшів» – пятниця, 18.10 год.

Витайте по тыжньовій перерві. В нас без змін – будеме доносити і реляцийонувати тото, што важне і цікаве. А поможут нам в тым нашы пряшівскы камаратя, редакторы радия Русин.фм.

Днес в нашым поучытельным слові почуєте о Антонию Скыбі, вызначным музичным педаґоґу і дириґенті леґендарного мукачівского хору «Метеор».

В Книжници вызвучат вершы підкарпатского автора Віктора Черкуна. Пак лишыме ся на підкарпатскій земли, бо выслухаме выімок зо старой ґазеты «Недѣля». Пише до ней неспокійный чытач, же по нашых селах бы веце мала діяти Орґанізация Грекокатолицкой Молодежы. Дознате ся чом.