«Говорить Пряшів» – пятниця, 18.10 год.

Нич не стримуєме, а лем більше – фурт ідеме допереду. Дозаду ся смотриме лем товды, коли штоси было файне і ся нам за тым цне. Зато в «Говорить Пряшів» – подібні – смотриме часто за тым, што нас будувало, з чого годны сме надале черпати.

Нашым днешнім целебритом буде русиньскій писатель, оціненый Премійом Александра Духновича, Штефан Смолей.

Пак в Книжници почуєме дальшый раз творчіст Кветы Мороховичовой-Цвик. Будут то стихы з книжкы «Думкы і тужбы».

В Перличці радия Русин.фм наша постійна стріча зо старом ґазетом «Недѣля», де нам пояснят, же пиянство є найвекшым ворогом газдівкы. Стережте ся.

Припоминка – спомнеме собі бывшый малый інтернат (бурсу), якій служыл русиньскым студентам в нашым Пряшові.