Миколай Тылявскій (1950-2015)

З жальом інформуєме, же дня 9. лютого 2015 року, несподівано вмер бл. п. Миколай Тылявскій. Парастас буде служений 11. лютого о 19.00 год. в хыжы покійного, а похоронны богослужыня зачнут ся 12. лютого о 11.30 год. в грекокатолицкій церкви в Розділю.

Радийо лем.фм складат щыры слова спілчутя для Родины покійного, а особливо для нашой радийовой колежанкы, Монікы Тылявской, для котрой п. Миколай был тестьом.

Миколай Тылявскій – 31.05.1950 р. – 09.02.2015 р.

Лемко вроджений в Лешні Ґурным. В 1957 р. з родином вернул на Лемковину до села Розділя. Од початку 90. років актывні діял для локальной лемківской соспільности. В роках 1998-2006 был радным села Розділя і полнил тіж функцию заступника війта ґміны Липинкы. З його інциятывы і при його помочы остала побудувана Основна Школа в Розділю. Был Ведучым Комітету Будовы школы, котра остала оддана в 2002 році. В роках 1994-2015 был Начальником Охотничой Пожарной Стражы в Розділю. Од 90. років был чынным соспільником. Ініциювал і сперал вельо інвестиций, якы остали выконаны в селі Розділя.

Вічна Йому Памят!