Велийный «Говорить Пряшів» – пятниця, 18.10 год.

Днес свята Велия. Най лем буде така, яку сме си вычекали округлый рік. Най тот Святвечер принесе нам вшыткым лем добры хвилі.

О тій порі, што емітуєме наш «Говорить Пряшів», быти може будете уж вечеряти. Лем товды, коли уж будете мати кусіся часу, залучте наше лемківскє радийо і почуйте нашых коляд, вінчуваня. Медже тым нашы пряшівскы камаратя принесут капку нашых актуальных інформаций.

Днешнім нашым целебритом буде русиньскій актор, політик і активіста Миколай Ляш, якій успішно борол ся з комуністичном владом в Чехословациі.

В Книжници радия Русин.фм буде істо по нашому. Памятате Нестора Репелу? То наш вызначный краян з Білцаревы, переселеный на далекій Донбас, што через вшыткы рокы не забыл свого. На осени жытя поділил ся з нами свойом прекрасном творчістю. Выслухаме його оповіданя під назвом «Новый рік». Перличка то дальша стріча з ґазетом «Недѣля», де припомнут нам, як треба пережывати Різдво Христове.

А на конец привитаме Новый Рік, што нас жде такой о тыжден. Товды будеме малянкувати, бавити ся.

Христос Раждає ся! Славиме Його!