«Слово» – Неділя святых Отців – неділя, 9.00 год.

Послідня неділя перед Рождеством – Неділя святых Отців. Євангеліє днешньой неділі зачінать словами: Книга родства Ісуса Хріста. І потім продовжать довгый список імен.

Дакотры з них познаме зо Старого завіта. А може дакотры суть про нас незнамы. Даваме собі вопрос: Якый хосен є з чітаня тых імен. Осподідь маме уж на початку днешнього слова: Книга родства Ісуса Хріста, сына Давідового, сына Авраамового. З того видиме, же тым нам євангелиста говорить, же Ісус вступує до людьского роду, до людьской історії.

Тота історія є історіов гріха і впаджіня. Тото видиме на дакотрых із тым мен. Видиме там і многых грішників. Видиме і праведників, котры тыж впали до гріха, але робили і покаяна. Ісус не ганьбить сю зачленити, зараховати до той історії людьского роду. Но не так, жебы сплынути, але зато, як то голосить ангел Йосифови: Він ослободить свій народ із їх гріхів.

А тото Ісус робив, говорив грішникам, котрым не вытыкать, не одсуджує, але напоминать ласкаво: Твоя віра тя сохранила, ідь а веце не гріш. Так Бог ся давать зараховати до людьского роду, же чоловіка зараховав до свого родства – божества.

А так коли чуєме такы величны слова, яке вызначіня нам дав Божый Сын, постарайме ся выхосновати тоту вызву, очістити своє сердце од гріха. Омыти ся добров сповідьов, жебы сьме так могли радостно праздновати Рождества нашого Господа Ісуса Хріста. Слава Ісусу Хрісту!

В неділю, 1. януара 2023 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 1. януара 2023 р. о 12.00 год. і 2. януара 2023 р. о 2.00 год. за русиньскым часом.