“Антонич дома” – музычно-поетычний перформанс во Львові

1. марця 2015 р. во Львові буде проходил музычно-поетычний перформанс – “Антонич дома”. Як подає сайт www.day.kiev.ua, подія буде розділена на три части, з котрых перша мат быти спомином діточых років Богдана Ігоря Антонича, котры провюл в рідній Новици на Лемковині, друга –  часом, коли жыл во Львові, і третя – задумана як рефлексия над вічністю і космічным “домом за звіздами”. Вшытко разом має дати полний образ поетычных світів Антонича і поєдных періодів символічного значыня слова дома в його жытю.

Тот музычно-поетычний концерт буде ведений знаным сучасным украіньскым писательом Юрийом Андруховичом, а возмут в ним тіж участ музыкы, котры прикрасят подію музычном оправом, достосуваном до сценария концерту – од лемківского фолкльору до построковой психоделіі.

Вершы Богдана Ігоря Антонича были переведены на лемківскій язык Петром Мурянком і выданы Стоваришыньом Лемків в збірці Зелена Євангелия. Можете іх придбати в нашым склепі – за мотузком.