«Говорить Пряшів» – пятниця, 18.10 год.

Говорить Пряшів не мать вакацій, із премєровыма выданями приходиме і почас літа. І тоту пятніцю чекать вас много інтересного.

За особностьов підеме на нижню землю. Припомянеме собі русиньского публіцісту Мірона Жироша. В Книжніці ФМ прочітаме собі пару стихів од нашого найвекшого будителя – Александра Духновіча.

До той поры року належать і жнивы. Якраз о них пише підкарпатьска ґазета Недѣля в статі, котру днесь прочітаме в Перлічці. Но а в Припомінці собі припомянеме якбач найрадостніше і найвеселіше свято літа – Івана Купала.