«Говорить Пряшів» – пятниця, 18.10 год.

Літо, вакациі – ци то не абы найліпшый час діти і молодежы? А може тых старых – як мы – тіж? Хто не любит, як ся му нич не каже, як нич не мусит, а лем тото, же треба ся рано звлечы з постелі…

Но, здає ся – каждый! Каждый любит так, жебы му нихто другій не казал, жебы не мусіл іти до роботы. І мы – редакторы – тіж кус дыхаме «свободом», лем кус ся за роботу береме через тот вакацийный час. Не значыт оно, же «Говорить Пряшів» не буде. Бо буде – так як і днес.

Днес в части «Особніст» припомянеме собі Александра Фединця, патріарху підкарпатскых хірурґів, найзнатнійшого чловека краю.

В «Книжници.фм» прочытаме вершы, котры написала Вєра Горішня. «Перличка» принесе нам кавальчык ґазеты «Недѣля», де припомянут статю о тым, якы важны вопросы рішыла совітодательна комісия. «Припомінка» – ту собі припомянеме історию днес уж 77-річного выдавництва «Рускє слово».