«Говорить Пряшів» – пятниця, 18.10 год.

Май то ци абы не найгардшый місяц в році. Вшытко так квитне, вшытко ся родит, а нам ся ліпше дыхат.

Іщы лем кєд бы сме розділили дві річы – май на чужыні, а май на Лемковині. Бо на чужых землях в маю уж помалы дакотры рослины преквитают, а на Лемковині тілько што зачынают ся родити. В нас дома все кус вшытко было пізнійше, а і зима скорше ся зачынат. Але добрі нам з тым.

Так як і добрі нам з тым, же сой можеме в кажду пятницю послухати «Говорить Пряшів». Днес почуєме про даму русиньской пісні, Марию Мачошкову, яка перед парома днями была нагороджена Президентком Словацкой Республикы. Редактор ґазеты «Недѣля» Андрий Кутлан привитат ся з чытателями по році на фронті.

В «Припоминці» буде о добровільных пожарниках на Підкарпатскій Руси. В «Книжници.фм» почуєме о Івані Свищо з Підкарпатя, авторі твору «Ковід 19».