„Нижній Шлеск. Нарід, його звыкы, спосіб жытя, пісні, музыка і танці…”

23. січня т.р. во вроцлавскым Етноґрафічным Музею высвітлено перший з долшого циклю фільм о  жытелях реґіону Нижнього Шлеска, котры по ІІ Світовій Войні заселили полудньово-західні териториі Польщы. Як першы, етнічно-історычну тему в виді фільмовых проєкций заняли Ґрекы, Македонці і Караімы, але до мая того рока будут вказаны фільмы, тыкаючы ся Жыдів, Німців, Украінців, Ромів, Татарів, Лемків, Ормян і перселенців з передвоєнной територий Польщы і рееміґрантів з Босні, або румуньской Буковины.

Стрічы проходят з причыны влонишнього Рока Оскара Кольбеґа (з нагоды 200. річниці народжыня того етноґрафа і фольклористы – *22. лютого 1814 р.), што видно і в наголовку показів, котрий навязує до наголовків прац польского дослідника, выдаваных од 2 половины ХІХ столітя.

Найбарже нас інтересуюча лемківска тема буде представлена 24. квітня 2015 р. о 18.00 год. Більше інформаций на сайті Етноґрафічного Музею во Вроцлаві – за мотузком.