Апостол – Пята неділя Великого Посту – неділя, 09.30 год.

Чітаня з Писма святого апостола Павла Євреям – зачало 321. (глава 9., 11-14).

Братя, Хрістос архієрей обіцяного добра пришов і через векшый і ліпшый ківот незбудованый руками, то значіть не з того світа, вошов раз навсе до святыні, де пожертвовав не козячу і телячу кров, но свою. Так набыв людьом вічне одкупліня. Бо кідь уж козяча і быча кров і попіль із ялівкы через покропліня посвячує оскверненых і очіщує тіло, о што веце Хрістова кров очістить наше сумліня од мертвых діл, штобы мы служыли жывому Богу. Бо Хрістос силов вічного Духа самого себе приніс Богу як чісту жертву.