Рушыли записы на Лемковина Ультра Трейль!

Два дни тому, 27. січня, рушили записы на тогорічну едицию Лемковина Ультра Трейль – змагань для літачів. По успішній едициі в мунилым році, на охочых провірити своі силы на лемківскых стежках, жде аж 1200 місц на 4 трасах.

Окрем трас, якы были зорґанізуваны влони – на 150, 70 і 30 км, появил ся іщы Лемко Маратон – то траса о долгости 45 км і – подібні як решта – ішол буде Головным Бескідскым Путьом. В звязку з тым, же траса Лемковина Ультра Трейль 150 єст барз тяжка, влони на старті было 150 осіб, до меты долетіло 78, записаня ся на тоту трасу вымагат достарчыня 3 кваліфікацийных пунтків до УТМБ або представліня скінченых гірскых трас в літаню.

Змаганя будут проходити в днях 23.-25. жолтня того рока, а орґанізаторы фурт уж роблят над досконаліньом і поліпшыньом тогорічной інфраструктуры змагань.