Як можу помочы Украіні? #помічUA / ч. 3

Тырват третя доба окупациі Украіны. Жытелі украіньской державы гордо боронят своі найбільшы міста, в тым столицю – Кыів. Мы в Польщы, а і люде по цілым демократичным світі, стараме ся орґанізувати поміч біженцям, вшыткым тым, што втікают перед войном і хотят отримати сохраніня.

Помагати мож на вельо способів. Очывидно тепер важне єст, жебы зберати облечыня, ідло, медичны середкы і продукты першой потребы – в рамах ріжных колект.

Але кєд громадяне Украіны перекрачают украіньско-польску границю, є ім потрібна і правна асекурация. В тій ціли Начальна Адвокатска Рада (подібні Крaйова Ізба Радців Правных) орґанізує пункты правной помочы, коли лем біженці будут такой потрібувати. До Округовых Адвокатскых Рад в цілій Польщы зголошают ся адвокаты і адвокатскы апліканты, котры сут готовы нести юридичну поміч.

В тій ціли апелює ся до вшыткых польскых громядан, же кєд лем даяка особа з Украіны буде потрібувала контакту з адвокатом, одсылайте іх до контакту: Adwokatura organizuje pomoc prawną dla obywateli Ukrainy – ofiar konfliktu wojennego. В каждій з части Польщы находят ся координаторы і юристы, якы pro bono будут свідчыти поміч.

Адвокаты і представникы інчых правничых професий орґанізуют в цілій Польщы збіркы потрібных річы для біженців. Особливо на увазі має ся діти. Дары будут переказуваны до осередків для чужынців, в рамках спілпрацы з нима і в порозумліню до іх потреб.