Обзерач Природы #55 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 7. січня/януара 2022 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Як уж не раз бывало, в проґрамі «Обзерач Природы» не все обзераме природу в єй найчыстійшій формі. Присмотрювали сме ся уж ріжным культуровым ляндшафтам, а тепер пришол час, жебы посмотріти на ляндшафты, якы створила рука чловека. Бесіда буде про великы коксовы териконы в Естоніі, якы од парудесятьох років «роснут» в пілнічно-східнім реґіоні Іда-Вірумаа. То докладні там, попри великых копальнях бітумічных лупків находят ся штучны горы, з котрых найвысша має аж 164 метры! Де докладні находят ся тоты териконы? Яка єст іх істория? Ци копальняна діяльніст не знищыла місцевого екосистему? Одпівіди на тоты звіданя отримате, слухаючы проґрам уж од 13.00 год.

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.