«Слово» – 9-та неділя по Сошествії Святого Духа – неділя, 9.00 год.

Слово днешнього Євангелія, котре нам описує подію учеників на морі, нас учіть: Все маме слухати голос Хріста.

Діавол старать ся одвести нашу уважность од Божого слова, жебы увірити йому. Так, як в раю одвернув уважность Євы од Бога і його слова, а стаягнув до гріха. Так хоче робити і знами.

Петро, кедь послухав Господа, крачав по воді. Кедь ся заслухав до іншого голосу, зачав ся топити. Но і тогды закричав: Господи, помож. А Ісус такой ростяг свою руку і вытяг го з воды.

Кедь мы слухаме голос Хріста, кідь смотриме нашыма духовныма очами на нього, тогды і мы крачаме через розмаїты проблемы, тяжкости, трапліня як по сухій землі. Але коли оставаме самы з нашыма проблемами, коли ся заслухаме до іншого голосу, тогды ся топиме. Не знаме, як нам іти дале. Коли ся заслухаме до голосу нашого неприятеля, котрый приходить як добый порадця, тогды ся топиме.

Но Ісус і ту є з нами. Він чекать, коли закличеме, жебы нам подав свою руку. Прото слухайме все голос Хріста, голос Його слова, не похыбуйме о його слові. Його слова є слово жывота.

Не слухайме голос того світа, діавола, котрый ся за нього крыє, бо то є голос, котрый веде до пропасти, до вічной погыбелі. Слава Ісусу Хрісту!

В неділю, 22. авґуста 2021 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 22. авґуста о 12.00 год. і 23. авґуста о 2.00 год. за русиньскым часом.