«Слово» – 5-та неділя по Сошествії Святого Духа – неділя, 9.00 год.

Ісус Хрістос приходить до Ґадариньского краю. Там його стрітили двоми люде, опанованы нечістыма духами. Демоны, коли увиділи, Ісуса закричали: Што тобі до нас, Ісусе, Сыну Бога жывого? Ты пришов перед часом нас мучіти.

Бо Ісус їм наказав выйти із тых людей. Демоны го просять войти до свинь. А Ісус їм доволив. Ціле стадо ся потопило у воді. Пастырі утікають до міста і роzповідають, што ся там стало. Ціле місто вышло оперед Ісуса і просили го одийти із їх краю. Ісус насів до лодькы і одышов од них.

В тых словах: Ідь з нашого краю, мoж чути слова: Што тобі до нас… Ісус приходить до той країnы, жебы принести свій покій, одпущіня. Принести їм ослободжіня. Но діавол їм нашептавать: Не слухайте го а одошлиjте гет од себе, бо прийдете о вшытко.

Так діавол покушать много раз і нас. Укaзує на фалшывы істоты і грозить, коли доволиме Ісусови, жебы вступив до нашого жывота, же нам їх возьме. Но Ісус не приходить нас окрасти, зробити шкоду. Приходить подати правдивы добра, правдиве щастя, правдиву слободу. Но решпектує слободну волю.

Тоты люде послухали нашептаваня злого: Ідь од нас. І повторяють за злым духом слова: Што тобі до нас.. ідь од нас. Не робме так і мы. Не одганяйме Хріста з нашого жывота, але довольме, жебы вступив до нашого жывота, жебы быв паном в каждій области нашого жывота. Тогды зажыєме правдивый покій і правдиву слободу. Слава Ісусу Хрісту!

В неділю, 25. юла 2021 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 25. юла о 12.00 год. і 26. юла о 2.00 год. за русиньскым часом.