«Говорить Пряшів» – пятниця, 18.10 год.

Єст як єст, раз ліпше, раз гірше. Важне, же ся діє, же ся крутит. Треба бы нам ся яти разом і дораз зробити дашто добре, а не лем танці і гулянкы.

Треба ся яти справы, яка буде зміцняла нарід. Знали сме вшыткы, што наш Учытель – Іван Русенко похороненый на Украіні, в селі Королівка. Гей, тото не была нияка таємниця. Знало ся тіж, же має памятник поставленый, де і лежыт з ним його жена. Єдна з найстаршых фотоґрафій його памятника была публикувана в давным календари Лемко-Союза. Тепер сме тото передрукували в «Лемківскым Річнику 2020», а і придали там знимку з 2017 р., значыт веце сучасну.

А тепер, перед парома днями, наша камаратка і редакторка ЛЕМ.фм, Анна Кырпан пішла до Королівкы і принесла нам свіже фото. Бесідувала і з людми, якы Русенка памятали.

І так си думам, же треба бы ся нам было іщы раз зобудити і зобрати докупы. Зобрати мішок пінязів, жебы піти ґу Русенці, жебы му подякувати – мы, вшыткы діти Лемковины. Лем же то бы было мало. Подумайме, кєд нас тепер во світі на вшытко стати – даме дукат до дуката і выремонтуєме Русенковый памятник і оддаме чест нашому Учытельови. Береме ся за роботу!

А на «Говорить Пряшів» красні просиме на год. 18.10.