«Слово» – Неділя вшытых святых – неділя, 9.00 год.

Першов Недільов по празднику Сошествія св. Духа є Неділя вшыткых святых. Свята Церьков нам представлять велике множества розмаїтых святых, а то каждый день.

Але окреме днешній день, кедь памятаме на вшыткых тых, котры ани не были выголошены Церьквов, але набыли святость. Перед нами повставать опрос: Як є то зо святостьов? Хто може быти святый? Суть то лем даякы наперед на то призначены? Є днешня неділя лем на то, жебы прославити такых святых? Або є то постолство днешньой неділі глубше а є адресоване і нам?

Боже слово нам часто говорить о святости і говорить ясно: Будьте святы… будьте досконалы… Тоты слова нам указують, же то ся односить і ку нам. Же каждый хрістіан є покликаный быти святым. Як то досягнути?

Одповідь нам давать слово Євангелія: Святость є быти послухняный слову Хріста і жыти подля нього. Виповняти його заповіді. На першім місці заповідь любви … Любте і вы єден другого, як я полюбив вас. Но не лем тых, котры нас люблять. Ісус іде далше і говорить: Любте і своїх неприятелів. Не одплачайте злом за зло. Не проклинайте, не понижуйте. Але любте своїх неприятелів, мольте ся за тых, што вас проклинають, што вас переслідують.

Оддзеркадльовати Хріста в нашім жывоті. В конкретных сітуаціях нашого жывота, нашой діалности оддзеркадьовати його любов, його одпущіня, його милосердя в одношіню ку нашым ближнім. Кормити ся реґуларно його Тілом і Пресвятов Кровльов.

Жебы сьме могли повісти вєдно з апостолом Павлом: Уж не жыю я, але у мі жыє Хрістос, а жывот, котрый терпеь жыю, жыю віров в Божого Сына. Ку тому нас позывать і днешня Неділя. Святость є і про мене. Слава Ісусу Хрісту!

В неділю, 27. юна 2021 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 27. юна о 12.00 год. і 28. юна о 2.00 год. за русиньскым часом.