«Слово» – Неділя святых жен міроносиць – неділя, 9.00 год.

Днешня неділя называть ся Недільов міроносиць. Тыж сі припомимаме діло св. Йосифа із Аріматеї а Нікодіма. Днешнє Єнагеліє в першій частині говорить о смілости св. Йосифа, котрый іде ку Пілатови і просить Ісусово тіло.

Пілат по потверджіню смерти стотником наказуйе дати йому тіло. Они вєдно з Нікодімом завинули тіло до чістого полотна з ароматічнына мастями і положыли до нового гроба, вытесаного в скалі. Такым способом то, што Жыде хотіли выхосновати на стертя памяткы на Хріста, они іщ веце прославили Господа.

Першый день по суботі скоро рано ідуть жены ку гробу. Роздумують, хто нам одвалить камінь. Ай кедь із людьского погляду бы діло было неуспішне, они предці ідуть. Любов ку Хрістови їх жене дале. А як пришли, нашли, же камінь є одваленый а находять там ангела, котрый їм звістує: Хрістос воскрес. Не є ту.  Они нарадованы і з великым страхом утікають тото розповісти апостолам.

По дорозі стртічають появліня Хріста, котрый їх наповнять радостьов. Они плаучучі несуть міро, жебы помазати мертвого. А вертають ся радостно. Они самы были помазаны міром і несли теперь правдиве Міро – воскресшого Господа.

Най і нас Господь, так як душы міроносиць, із котрых суть теперь звістователкы радостной новины, помаже своїм міром. Жебы сьме так мы, через приятя того міра, то є віры у воскресшого Господа а жывота подля ньой, жывота подля заповідей Господа, могли радостно свідчіти тому світу і од сердця в правді говорити, як мироносиці жены: Хрістос воскрес!

В неділю, 16. мая 2021 р., о 9.00 год. проґрам «Слово», котрый реалізує єромонах Маркіян, ЧСВВ. Повторіня 16. мая о 12.00 год. і 17. мая о 2.00 год. за русиньскым часом.