Обзерач Природы #29 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 23. квітня/апріля 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

В найблизшым одтинку «Обзерача Природы» поіхаме в іщы інчы горы як дотепер. Нашом цілю буде Бабя Гора – найвысшый верх цілых Бескідів. Гора, яка має вельо мен, а в попереднім зимовым сезоні стала ся іщы барже популярном. Люде зачали выходити на ню без зовнішнього облечыня, роблячы тзв. морсуваня на сухо. Але проґрам не буде лем о тым, як гартувати тіло, але і поданы будут практичны інформациі, як заплянувати гірску вандрівку на найвысшу гору Бескідів. Одтинок тот буде третім з мінісериі інспіруваной діяльністю подорожника і гірского вандрівника Пьотра Косярского, автора блоґа Мапа Бездорожа.

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.