Обзерач Природы #25 – пятниця, 13.00 год.

Сердечні просиме слухати природничый проґрам на антені ЛЕМ.фм уж в найблизшу пятницю, 19. марця 2021 р., о 13.00 год. «Обзерач Природы» то пропозиция для любителів природы, лісовых звірят, вандрівок в незнане.

Обоятні попри найблизшым одтинку пройти не можете! Святкуючы малый ювілей, 25 проґрамів «Обзерач Природы», будеме слухати інтересуюче інтервю з Аліцийом Малевском, якє вюл Павло Малецкій. Бесіда буде про Головный Бескідскій Шляк, якій в цілости прошла Аліция в 2020 р. Дознаме ся з бесіды, яка была мотивация до вандрівкы, якы загорозы можут нас ждати на шляку, як ся лоґістичні прирыхтувати до той експедициі, і буде іщы пару інчых практичных інформаций. Кым єст гіст проґраму? Аліция Малевска наштоден робит як адюнктка в Інституті Наук о Політиці і Адміністрациі Академіі Ignatianum в Кракові. В своіх досліджынях лучыт політолоґічну та економічну освіту. Якє влияня мала близко 500-кілометрова вандрівка на наукового працівника? Вшытко можете дознати ся з інтервю! Чуєме ся о 13.00 год.!

Проґрам веденый єст Якубом Зиґмунтом, ґеолоґом і пасийонатом гірскых вандрівок. «Обзерача Природы» мож слухати в кажду пятницю о 13.00 год., а повторіня авдициі будут емітуваны в середы о 10.00 год.