Літні семінары з карпаторусиністікы

Десять років в місяці юн приходили з цілого світа вшыткы інтересуючі ся о русиньску історію, язык і културу до Пряшова на літню школу, котру орґанізує як єдина у світі Пряшівска універзіта в Пряшові вдяка Іншітуту русиньского языка і кутуры.

Єденадцятый річник Studium Carpatho-Ruthenorum 2020 быв з причіны пандемії зрушеный, но з алетернатівов про заінтересованых приходить Карпаторусиньскый діслідный центер в Споєных штатах Америкы (Carpatho-Rusyn Research center) вєдно із Фундаційов Джона і Гелены Тімо (John & Helen Timo Foundation).

Америцькы Русины вырішыли, же тот рік зорґанізують онлайн літні семінары, в рамках котрых будете годны выслухати і лекції нашых найвызначнішых науковців із Северной Америкы.

О історії, културі і ідентіті

Літніх семінарів буде шість, розділены суть по двох на місяці юн, юл і авґуст. Тематічно їх орґанізаторы розділили на лекції о великых особностях посеред америцькых карпатьскых Русинів і о тім, яке то быти америцькым карпатьскым Русином.

Семінары будуть проходити як відеоконференції через аплікацію Zoom і будуть в анґліцькім языку. Меджі лекторами суть інтересны мена, добрі знамы в науковых русиньскых кругах.

Історік Павел Роберт Маґочій із Торонтьской універзіты буде на першім семінарі бісідовати о своїй новій біоґрафії русиньского політіка, першого ґубернатора Підкарпатьской Руси – Ґриґорія Жатковіча. Ніколас Купеньскый участникам онлайн семінарів приближыть першого русиньского романописателя із Пряшівской Руси Емілія Кубека. Купеньскый є літературознательом і Кубеком занимать ся довгодобо. Моментално діє на Академії воздушных сил Споєных штатів.

Юловы семінары зачне Елейн Русинко з Універзіты в Маріланді – Балтіморі, котра собі приговила лекцію на тему Енді Варгола і його матери Юлії. Далша професорка, котра є єднако знама і з пряшівскых літніх школ – Патріція Крафчік, буде бісідовати на тему книжкы русиньскых приповідок з назвов В сімдесятій семій країні, в котрій были публікованы приповідкы вызначного русиньского фолклорісты Михайла Гиряка. Тоту книжку выдав якраз Карпаторусиньскый дослідный центер у 2015-ім році двоязычно – по русиньскы і по анґліцькы.

Авґустовы семінары будуть присвячены ідентіті. Першый семінар буде властно діскусійов за округлым столом о тім, як є то выростати як Америчан – карпатьскый Русин. Діскусію буде модеровати Ніколас Купеньскый. О професіоналных успіхах Русина з Лемковины, котрый жыє в Споєных штатах Америкы, побісідує в рамках остатнього семінара Боґдан Горбаль.

Покля маєте інтерес о семінары, під статьов прикладаме анґліцькый попис ку лекціям з мотузками на реґістрацію. Зареґістровати ся можете окремо на вшыткы семінары, або собі выбрати лем тоты, котры вас найвеце інтересують.

О орґанізаторах

Карпаторусиньскый дослідный центер є наукова інштітуція і выдавництво в Споєных штатах Америкы. Засновав го у 1978-ім році професор Павел Роберт Маґочій. Почас свого існованя выдав множество публікацій, брожур, мап. Од 1978-го до 1997-го року выдавав свій каврталник Carpatho-Rusyn American.

Центер забезпечує штіпендії про штудентів і науковців, котры занимають ся проблематіков карпатьскых Русинів. В роках 1993 аж 1995 рядив Фонд про русиньску молодеж Югославії. Од 1997-го року передавав Премію імени Александра Духновіча за русиньску літературу.

Фундація Джона і Гелены Тімо так само діє в рамках підпоры проєктів у русиньскім середовиску. Окрім штіпендій, котры забезпечіла і про літню школу в Пряшові, фінанцовала вже три документарны філмы, котры занимають ся русиньсков історійов 20-го столітя  – Перемінены через Талергоф, Аж і слызы не старчіли і Воскресеніє народа.

ТЕКСТ НАПИСАНЫЙ В ПРЯШІВСКЫМ СТАНДАРДІ РУСИНЬСКОГО ЯЗЫКА

How to register

Individual registration is required for each presentation by clicking the link following each description below. If you want to attend only one, you can register for just one, but we sincerely hope you’ll join us for all of them, or as many as you can!

Upon successful registration, you will receive an email with a link unique to you to join the webinar at the designated time.

Wednesday, June 24, 2020 – 1PM ET

A conversation with Professor Paul Robert Magocsi (University of Toronto) about his new biography of the Carpatho-Rusyn American politician Gregory Zhatkovych. Moderated by Professor Nick Kupensky (United States Air Force Academy). Register here.

Thursday, July 2, 2020 – 3PM ET

A lecture and discussion by Professor Nick Kupensky (United States Air Force Academy) about the Carpatho-Rusyn American writer Emil Kubek. Moderated by Maria Silvestri (Timo Foundation). Register here.

Wednesday, July 22, 2020 – 7PM ET

A lecture and discussion by Professor Elaine Rusinko (University of Maryland — Baltimore County) about the Carpatho-Rusyn American artists Andy Warhol and Julia Warhola. Moderated by Maria Silvestri (Timo Foundation). Register here.

Wednesday, July 29, 2020 – 1PM ET

A lecture and discussion by Professor Pat Krafcik (The Evergreen State College) about the Carpatho-Rusyn children’s book “In the Seventy-Seventh Kingdom”: Carpatho-Rusyn Folktales.” Moderated by Professor Nick Kupensky (United States Air Force Academy). Register here.

Wednesday, August 5, 2020 – 10am ET

A roundtable discussion with Michael Bolds, Ifetayo Bolds-Jacob, Bethany Sromoski, and Maria Silvestri about growing up as a Carpatho-Rusyn American. Moderated by Professor Nick Kupensky (United States Air Force Academy). Register here.

Tuesday, August 18, 2020 – 11am ET

A conversation with Bogdan Horbal (New York Public Library) about his professional successes as a Lemko Rusyn in the United States. Moderated by Professor Nick Kupensky (United States Air Force Academy). Register here. For any questions, please email orders@c-rrc.org.